Hijr Main Jo Li Gai Taswir Hai
hijr main jo li gai taswir hai
ye hamari aaKHiri taswir hai
maut bharti ja rahi hai apne rang
zindagi miTti hui taswir hai
tum jise kahte ho jismon ki qatar
asl mein diwar ki taswir hai
yar logon se gale milna bhi kya
koi patthar hai koi taswir hai
miT gai taswir pahle ishq ki
samne ab dusri taswir hai
jitni taswiren hain mere samne
sab se achchhi aap ki taswir hai
kuchh nahin badla tumhaare baad bhi
zindagi taswir thi taswir hai
ruh ne rakkha hua hai sab bharam
warna har ek aadmi taswir hai
Dhal gai hai pyas meri naqsh mein
ye jo pani par bani taswir hai
hath mein TukDe KHaton ke hain faqih
aankh mein jalti hui taswir hai
Faqeeh Haidar 
(799) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544