Zindagi Chupke Se Ek Baat Kaha Karti Hai
zindagi chupke se ek baat kaha karti hai
waqt ke hathon mein kab Dor raha karti hai
sard si shamon mein chalti hai udasi ki hawa
chandni raat bhi KHamosh raha karti hai
tum to aae ho gulabon ke liye der ke baad
qarya-e-jaan mein to ab KHak uDa karti hai
be-sabab aankhon mein aansu bhi nahin aate ab
wahshat-e-dil bhi kahin dur raha karti hai
raushni mein to nazar aate hain kitne sae
par ye tariki to saya bhi juda karti hai
hum bhi kho jaenge ek roz ufuq par yunhi
kab kisi se ye 'farah' zist wafa karti hai
Farah Iqbal 
(1360) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544