Zara Si Raat Dhal Jae To Shayad Nind Aa Jae
zara si raat Dhal jae to shayad nind aa jae
zara sa dil bahal jae to shayad nind aa jae
abhi to karb hai be-chainiyan hain be-qarari hai
tabiat kuchh sambhal jae to shayad nind aa jae
hawa ke narm jhonkon ne jagaya teri yaadon ko
hawa ka ruKH badal jae to shayad nind aa jae
ye tufan aansuon ka jo umaD aaya hai palkon tak
kisi surat ye Tal jae to shayad nind aa jae
ye hansta muskuraata qafila jo chand taron ka
'farah' aage nikal jae to shayad nind aa jae
Farah Iqbal 
(967) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544