Shauq Aasuda-e-tahlil-e-muamma Na Hua
shauq aasuda-e-tahlil-e-muamma na hua
tera bimar tilismat se achchha na hua
tu ne de kar mujhe jo KHwab utara tha yahan
in mein ek KHwab bhi tera koi sachcha na hua
imtedad-e-sahar-o-sham zamanon ki qasam
ek bhi rang mere pyar ka phika na hua
shauq-e-behad ne kisi gam Thaharne na diya
warna kis gam mera KHun-e-tamanna na hua
nafa-e-mushk ne pichha nahin chhoDa 'salim'
mujh sa haiwan koi jangal mein diwana na hua
Farhan Salim 
(664) Peoples Rate This