Gar Apne Aap Mein Insan BaDhta Ja Raha Hai

gar apne aap mein insan baDhta ja raha hai

to phir kyun is qadar bohran baDhta ja raha hai

simaTta ja raha hai daera malik makan ka

makan par qabza-e-mehman baDhta ja raha hai

mujhe lagta hai sahra ki taraf jaana paDega

dar-o-diwar ka ehsan baDhta ja raha hai

bahut din ho gae roya na apne haal pe shahr

dilon mein KHitta-e-viran baDhta ja raha hai

bahut sa husn pahli bar dekha hai kisi ne

tu us ki hi taraf hairan baDhta ja raha hai

badan KHali karo aur kashti-e-jaan ko bachao

KHatarnaki ka ye saman baDhta ja raha hai

numu karna suna hai jaan-daron ki sifat hai

magar ye shahr to be-jaan baDhta ja raha hai

na jaane kitne bhukon ki kifalat ho rahi hai

hawas-kari ka dastar-KHwan baDhta ja raha hai

miyan 'ehsas-ji' kuchh shairi bhi karte rahiye

ye mana aap ka diwan baDhta ja raha hai

(722) Peoples Rate This

Your Thoughts and Comments

Gar Apne Aap Mein Insan BaDhta Ja Raha Hai In English By Famous Poet Farhat Ehsas. Gar Apne Aap Mein Insan BaDhta Ja Raha Hai is written by Farhat Ehsas. Read famous Poem Gar Apne Aap Mein Insan BaDhta Ja Raha Hai for youth and Student by Farhat Ehsas. Free Download Gar Apne Aap Mein Insan BaDhta Ja Raha Hai in PDF.