Na-qabil-e-yaqin Tha Agarche Shurua Mein
na-qabil-e-yaqin tha agarche shurua mein
suraj magar ghurub hua tha tulua mein
mulla ko de diya hai namazon ka baqi kaam
KHud ko laga liya hai KHushu-o-KHuzua mein
sirf ek chehra ek hi nam ek hi KHayal
hota hai sab ke sath yahi sab shurua mein
itne halala-baz agar ghat mein na hon
kya aisa fasla hai talaq-o-rujua mein
shayad meri namaz yahin KHatm ho gai
ek umr ho gai ki ruka hun rukua mein
mohmal sahi pa tab-o-tawanai dekhiye
us ain se jo aai hai is aab-o-jua mein
urdu mein to bas ek wuzu aur ek namaz
do do namazen hoti hain arabi wuzua mein
aslen tamam nachti gati guzar gain
dekha nahin kisi ne wafur-e-furua mein
'ehsas' kya hai ye 'zafar' 'iqbaal' ki tarah
tausia ain sher ki hadd-e-wuqua mein
Farhat Ehsas 
(803) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544