Pahle To Zara Sa HaT Ke Dekha

pahle to zara sa haT ke dekha

us shoKH se phir lipaT ke dekha

itni bhi buri na thi jo main ne

duniya ko zara sa haT ke dekha

dekha use us ka ho ke aur phir

kya farq paDega kaT ke dekha

hum jama hue hi ja rahe the

aaram mila jo ghaT ke dekha

bas ek hi KHwab tha ki jis ko

ta-umr ulaT-palaT ke dekha

wo aur qarib aa gaya tha

jab main ne zara simaT ke dekha

phir dil ne mere gham aur KHushi ko

rassi ki tarah se baT ke dekha

kal Dub raha tha 'farhat-ehsas'

hum ne bhi tamasha DaT ke dekha

(757) Peoples Rate This

Your Thoughts and Comments

Pahle To Zara Sa HaT Ke Dekha In English By Famous Poet Farhat Ehsas. Pahle To Zara Sa HaT Ke Dekha is written by Farhat Ehsas. Read famous Poem Pahle To Zara Sa HaT Ke Dekha for youth and Student by Farhat Ehsas. Free Download Pahle To Zara Sa HaT Ke Dekha in PDF.