Wo Meri Jaan Ke Sadaf Mein Guhar Sa Rahta Hai

wo meri jaan ke sadaf mein guhar sa rahta hai

mein us ko toD na Dalun ye Dar sa rahta hai

wo chehra ek shifa-KHana hai meri KHatir

wo ho to jaise koi chaaragar sa rahta hai

main us nigah ke hamrah jab se aaya hun

mujhe na jaane kahan ka safar sa rahta hai

baDa wasia hai us ke jamal ka manzar

wo aaine mein to bas muKHtasar sa rahta hai

meri zamin ko mayassar hai aasman us ka

kahin bhi jaun mere sath ghar sa rahta hai

(1374) Peoples Rate This

Your Thoughts and Comments

Wo Meri Jaan Ke Sadaf Mein Guhar Sa Rahta Hai In English By Famous Poet Farhat Ehsas. Wo Meri Jaan Ke Sadaf Mein Guhar Sa Rahta Hai is written by Farhat Ehsas. Read famous Poem Wo Meri Jaan Ke Sadaf Mein Guhar Sa Rahta Hai for youth and Student by Farhat Ehsas. Free Download Wo Meri Jaan Ke Sadaf Mein Guhar Sa Rahta Hai in PDF.