Yahi Hisab-e-mohabbat Dobara Kar Ke Lao

yahi hisab-e-mohabbat dobara kar ke lao

jahan jahan hai munafea KHasara kar ke lao

barah-e-rast na chhuna kabhi wo shoala-e-tur

zara zara sa use istiara kar ke lao

badan se phuT paDa us ki ruh ka sailab

to jao us ko badan ka kinara kar ke lao

nae visal ki KHatir guzaro iddat-e-hijr

aur apne dil ko dobara kanwara kar ke lao

dayar-e-ishq mein aur itne karr-o-far ke sath

badan ko toD ke dil ko bechaara kar ke lao

baDa yaqin hai mohabbat ke moajizon pe tumhein

to lo ye qatra-e-ashk aur sitara kar ke lao

(2117) Peoples Rate This

Your Thoughts and Comments

Yahi Hisab-e-mohabbat Dobara Kar Ke Lao In English By Famous Poet Farhat Ehsas. Yahi Hisab-e-mohabbat Dobara Kar Ke Lao is written by Farhat Ehsas. Read famous Poem Yahi Hisab-e-mohabbat Dobara Kar Ke Lao for youth and Student by Farhat Ehsas. Free Download Yahi Hisab-e-mohabbat Dobara Kar Ke Lao in PDF.