Koi Bhi Ham-safar Nahin Hota
koi bhi ham-safar nahin hota
dard kyun raat bhar nahin hota
rah-e-dil KHud-ba-KHud hai mil jati
koi bhi rahbar nahin hota
aah ka bhi na zikr kar ai dil
aah mein bhi asar nahin hota
dil ko aasudgi bhi kyunkar ho
gham se shir-o-shakar nahin hota
aah ai be-KHabar ye be-KHabari
dil-e-nadan KHabar nahin hota
dil ki rahen juda hain duniya se
koi bhi rahbar nahin hota
ab to mahfil se chal diya 'farhat'
ab kisi ka guzar nahin hota
Farhat Kanpuri 
(765) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544