Saut Kya Shai Hai KHamushi Kya Hai
saut kya shai hai KHamushi kya hai
gham kise kahte hain KHushi kya hai
aaj hun kal yahan nahin hunga
mujh se jaanan ye be-ruKHi kya hai
des pardes ho gaya ab to
aashna kaun ajnabi kya hai
zindagi tere wasl ki KHwahish
mil gaya tu to zindagi kya hai
aur gar tu bichhaD gaya mujh se
phir meri jaan maut bhi kya hai
ek pal bhi sukun nahin milta
tujh se mil kar ye be-kali kya hai
tarz-e-mausam pe baat chal nikli
warna mazi ka zikr hi kya hai
dosti jo nibha nahin sakte
un se 'shahzad' dushmani kya hai
Farhat Shahzad 
(1033) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544