Ye Zamin KHwab Hai Aasman KHwab Hai
ye zamin KHwab hai aasman KHwab hai
ek makan hi nahin la-makan KHwab hai
jaan-lewa sahi justuju ki thakan
par sahaara diye ek jawan KHwab hai
us ki aankhon mein apnaiyat ki chamak
meri aankhon ka ek be-aman KHwab hai
TuT jae to kuchh bhi nahin koi bhi
jis ke dam se hain donon jahan KHwab hai
chilchilati hui waqt ki dhup mein
sath ek saya-e-mehrban KHwab hai
tu sarab-e-hasin main fareb-e-nazar
pyar tera meri jaan-e-jaan KHwab hai
shadi-e-be-panah ka sabab hai magar
wajh-e-ah-o-fughan bhi miyan KHwab hai
zindagi ke kaThin jangalon mein mera
har qadam rahbar pasban KHwab hai
jaan-e-'shahzad' tanhaiyan hain aTal
aur baqi ka ye karwan KHwab hai
Farhat Shahzad 
(1268) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544