Kitne Shikwe Gile Hain Pahle Hi
kitne shikwe gile hain pahle hi
rah mein fasle hain pahle hi
kuchh talafi nigar-e-fasl-e-KHizan
hum luTe qafile hain pahle hi
aur le jaega kahan gul-chin
sare maqtal khule hain pahle hi
ab zaban kaTne ki rasm na Dal
ki yahan lab sile hain pahle hi
aur kis shai ki hai talab 'farigh'
dard ke silsile hain pahle hi
Farigh Bukhari 
(699) Peoples Rate This