Parinde Khet Mein Ab Tak PaDaw Dale Hain
parinde khet mein ab tak paDaw Dale hain
shikari aaj tamasha dikhane wale hain
hawaen tez hain aandhi ne par nikale hain
bahut udas patangen uDane wale hain
kamand phenk na dena zamin ki wusat par
nae jazire samundar ne phir uchhaale hain
chalo ke dekh len 'ghaalib' ke ghar ki diwaren
nai ruton ne bayaban mein Dere Dale hain
gali gali mein chamakti hai dard ki KHushbu
hamare zaKHm mahakte hue ujale hain
ab apne aap se milne ki justuju kya ho
tumhaare shahr ke sab aaine to kale hain
jo log waqai munsif-mizaj hain 'anjum'
suna hai aaj wo chehre badalne wale hain
Farooq Anjum 
(913) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544