Ye Gard-e-rah Ye Mahaul Ye Dhuan Jaise
ye gard-e-rah ye mahaul ye dhuan jaise
hawa ke ruKH pe ho tahrir dastan jaise
hamara rabt-o-talluq hai chand shamon ka
shajar pe tair-e-mausam ka aashiyan jaise
ajib KHauf sa hai pattharon ki zad par hun
badan ho apna koi kanch ka makan jaise
ye aasman-o-zamin ka tilism kab TuTe
har ek wajud muallaq ho darmiyan jaise
lab-o-dahan se koi kaam hi nahin leta
har ek baat hai na-qabil-e-bayan jaise
Farooq Muztar 
(852) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544