Yun Hujra-e-KHayal Mein BaiTha Hua Hun Main
yun hujra-e-KHayal mein baiTha hua hun main
goya mera wajud nahin wahima hun mein
phaila hai jab se ghar mein samundar sukut ka
be-chaargi ki chhat pe khaDa chiKHta hun main
dekho meri jabin pe mere ahd ke nuqush
rakkho mujhe sambhaal ke ek aaina hun main
ab tak shab-e-qayam ka ek silsila bhi tha
ab aaftab ban ke safar par chala hun main
KHud se to ru-shanas abhi tak na ho saka
ye ittifaq hai ki jo tum se mila hun main
Farooq Muztar 
(888) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544