Itni KHarab Surat-e-haalat Bhi Nahin
itni KHarab surat-e-haalat bhi nahin
jo kah na paun aisi koi baat bhi nahin
suraj ka ganw jis ki jataon mein thi asir
ai shahr-e-be-charagh ye wo raat bhi nahin
phir aaj uTh raha hai dhuan dal ke aas-pas
tajdid-e-arzu-e-mulaqat bhi nahin
Darta hun apne sae se mein KHud-gazida hun
sine mein koi shorish-e-zulmat bhi nahin
'faruq'-nazuki ne khilae lahu ke phul
dil par agarche us ki inayat bhi nahin
Farooq Nazki 
(761) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544