Chhanw Ki Shakl Dhup Ki Rangat Badal Gai
chhanw ki shakl dhup ki rangat badal gai
ab ke wo lu chali hai ki surat badal gai
hansna hansana apna mashini amal hua
badli hawa-e-shahr to aadat badal gai
achchha sa suiT jism par apne saja ke wo
KHush hai ki jaise ghar ki bhi haalat badal gai
sar ko chhupaya panw bhi khulne nahin diya
KHwahish baDhi to apni zarurat badal gai
nazzara-e-nigah hai ye jalta-bujhta din
kuchh gham nahin jo raat ki dawat badal gai
ab guftugu mein beach se ghaeb hai aadmi
hum tak to aate aate riwayat badal gai
Farooq Shafaq 
(889) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544