Koi Bhi ShaKHs Na Hangama-e-makan Mein Mila

koi bhi shaKHs na hangama-e-makan mein mila

har ek jalte hue gham ke saeban mein mila

koi na zehn mein surat na koi KHaka hai

wo mujh se jab bhi mila malgaje dhuan mein mila

bayan karne pe aaun to lafz TuTte hain

wo ek aks jo bujhte hue saman mein mila

wo shai ki jis ne dhuan dil mein mere phailaya

nishan us ka na kuchh dur tak dhuan mein mila

safar tamam hua itni KHush-KHirami se

tanaw bhi nahin kashti ke baadban mein mila

zara ye soch haqiqat bana to kya hoga

wo shaiba jo mujhe sarhad-e-guman mein mila

suna hai har ghaDi tu muskuraata rahta hai

mujhe bhi jazb zara kar ke jism-o-jaan mein mila

Thahar sakega na har shaKHs zad pe socha nahin

wo tir chal gaya jo waqt ki kaman mein mila

jo mujh pe match kare mera apna kahlae

libas aisa na mujh ko saji dukan mein mila

(952) Peoples Rate This

Your Thoughts and Comments

Koi Bhi ShaKHs Na Hangama-e-makan Mein Mila In English By Famous Poet Farooq Shafaq. Koi Bhi ShaKHs Na Hangama-e-makan Mein Mila is written by Farooq Shafaq. Read famous Poem Koi Bhi ShaKHs Na Hangama-e-makan Mein Mila for youth and Student by Farooq Shafaq. Free Download Koi Bhi ShaKHs Na Hangama-e-makan Mein Mila in PDF.