Koi Mausam Ho Kuchh Bhi Ho Safar Karna Hi PaDta Hai
koi mausam ho kuchh bhi ho safar karna hi paDta hai
idhar se bojh kandhe ka udhar karna hi paDta hai
kahan jate hain kya karte hain kis ke sath rahte hain
hamein apna taaqub umr bhar karna hi paDta hai
wo apne tan pe sah kar ho ki apni jaan par phir bhi
hamein ek marka har roz sar karna hi paDta hai
khula rakkhen na rakkhen ghar ka darwaza magar 'farruKH'
safar aankhon ko ta-hadd-e-nazar karna hi paDta hai
Farrukh Jafari 
(1366) Peoples Rate This