Dar-e-faqir Pe Jo Aae Wo Dua Le Jae
dar-e-faqir pe jo aae wo dua le jae
dawa-e-dard koi dard-e-la-dawa le jae
visal-e-yar ki ab sirf ek surat hai
hamari KHak uDa kar wahan hawa le jae
to jaan jae mera dukh jo tere pahlu se
koi bhi aae tere dost ko uTha le jae
kisi jazira-e-nadida ki talab thi hamein
ab is pe hai ki jahan hum ko naKHuda le jae
zamana-saz hai 'fartash' us ke kya kahne
ki KHud hi qatl kare aur KHun-baha le jae
Fartash Syed 
(805) Peoples Rate This