Gali Ka Patthar Tha Mujh Mein Aaya BigaD Aisa
gali ka patthar tha mujh mein aaya bigaD aisa
main Thokaren kha ke ho gaya hun pahaD aisa
KHuda KHabar dil mein koi aaseb hai ki is mein
koi na aaya gaya paDa hai ujaD aisa
na sar uTha pae koi bhaunchaal mujh mein ai waqt
main narm miTTi hun so mujhe tu lataD aisa
chahaar jaanib paDe hain purze nigah-o-dil ke
hamara is ishq ne kiya hai kabaD aisa
main bhul baiTha hun hansna 'fartash' bhul baiTha
hua hai KHushiyon ka band mujh par kiwaD aisa
Fartash Syed 
(741) Peoples Rate This