Uski Diwar Pe Manqush Hai Wo Harf-e-wafa

us ki diwar pe manqush hai wo harf-e-wafa

jis ki tabir ko KHwabon ka sahaara na mila

meri tanhai se ukta ke tera nam bhi kal

apne mustaqbil-e-taban ki taraf lauT gaya

jab KHayalat mera sath nahin dete hain

dil mein dar aati hai chupke se wo manus sada

aise KHush-rang sarabon ka sahaara kab tak

muskuraata hun to deti hai tamanna ye sada

main ne chaha tha nai subh ka suraj ban jaun

dur tak daman-e-shab aur bhi kuchh phail gaya

phir KHudai mein hai kyun ghor andheron ko sabaat

hum chalo man gae ek tajalli hai KHuda

sher kahta hun to 'akmal' mera dil kahta hai

fikr-e-awara pe alfaz ki chadar na chaDha

(932) Peoples Rate This

Your Thoughts and Comments

Uski Diwar Pe Manqush Hai Wo Harf-e-wafa In English By Famous Poet Fasih Akmal. Uski Diwar Pe Manqush Hai Wo Harf-e-wafa is written by Fasih Akmal. Read famous Poem Uski Diwar Pe Manqush Hai Wo Harf-e-wafa for youth and Student by Fasih Akmal. Free Download Uski Diwar Pe Manqush Hai Wo Harf-e-wafa in PDF.