Jaisa Tum Chahoge Waisa Nahin Hone Wala

jaisa tum chahoge waisa nahin hone wala

warna hone ko yahan kya nahin hone wala

muqtadir ho to gharibon se jo chaho le lo

izzat-e-nafs ka sauda nahin hone wala

dil ye kahta hai kisi ko bhi na la KHatir mein

aql kahti hai ki achchha nahin hone wala

amn parchaar talak Thik sahi lekin amn

tum ko lagta hai ki hoga nahin hone wala

zar ke mizan mein har shaKHs ko kya tolte ho

har bashar to sag-e-duniya nahin hone wala

mera chehra hai mere qalb ka akkas 'naqib'

mera chehra tera chehra nahin hone wala

(601) Peoples Rate This

Your Thoughts and Comments

Jaisa Tum Chahoge Waisa Nahin Hone Wala In English By Famous Poet Fasihullah Naqeeb. Jaisa Tum Chahoge Waisa Nahin Hone Wala is written by Fasihullah Naqeeb. Read famous Poem Jaisa Tum Chahoge Waisa Nahin Hone Wala for youth and Student by Fasihullah Naqeeb. Free Download Jaisa Tum Chahoge Waisa Nahin Hone Wala in PDF.