Nazm

al-aman

taziyane gunahgar hathon mein hain be-gunahon ki KHair

wo jo qazi adalat gawah o sanad ilm-o-danish aur tahrir se munsalik ek riwayat ki tahzib thi

wo kahin kho gai

ek lamba safar ruk gaya

kis liye ruk gaya

al-hazar

al-hazar! ye darinda-sifat nim wahshi mubtala-e-junun taziyane liye

tazyanon ki zad mein taDapta badan KHun ugalta badan

kaisi kuchli hui KHwahishon wahshiyana hawas-kariyon ka nishana bana

kis jibillat ki taskin ka saman hua

al-madad al-madad ai KHuda!

taziyane gunahgar hathon mein hain

be-gunahon ki KHair!

(1155) Peoples Rate This

Your Thoughts and Comments

Nazm In English By Famous Poet Fatima Hasan. Nazm is written by Fatima Hasan. Read famous Poem Nazm for youth and Student by Fatima Hasan. Free Download Nazm in PDF.