Nahin KHayal To Phir Intizar Kis Ka Hai
nahin KHayal to phir intizar kis ka hai
ye zehn-o-dil ye bila-wajh bar kis ka hai
batae kaun ye ahl-e-KHirad se mahfil mein
chaman hai kis ke liye KHar-zar kis ka hai
hamara nam to ghairon mein ho gaya shamil
jo log apne hain un mein shumar kis ka hai
kisi ko daulat-e-duniya kisi ko izzat-e-nafs
KHuda ki den pe ab iKHtiyar kis ka hai
urus-e-maut se jaldi hai kis ko milne ki
qadam baDha hua ye su-e-dar kis ka hai
farishte aa ke 'wasiyya' se bole marqad mein
lahad mein aap ko ab intizar kis ka hai
Fatima Wasia Jayasi 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544