Ghar Ki Mushkil Koi Hal Chahti Hai

ghar ki mushkil koi hal chahti hai

mujh se wo taj-mahal chahti hai

kaisi nadan hai duniya ki talab

bij boya nahin phal chahti hai

intizar aashna aankhon ki jalan

teri aankhon ke kanwal chahti hai

fikr hai subh ki dushman kaisi

raat ki raat ghazal chahti hai

baiTh ja samne ek naz ke sath

tu musawwir ka amal chahti hai

jis mein har chehre ke TukDe ho jaen

aankh wo shish-mahal chahti hai

(717) Peoples Rate This

Your Thoughts and Comments

Ghar Ki Mushkil Koi Hal Chahti Hai In English By Famous Poet Fay Seen Ejaz. Ghar Ki Mushkil Koi Hal Chahti Hai is written by Fay Seen Ejaz. Read famous Poem Ghar Ki Mushkil Koi Hal Chahti Hai for youth and Student by Fay Seen Ejaz. Free Download Ghar Ki Mushkil Koi Hal Chahti Hai in PDF.