Adib Tha Na Main Koi BaDa Sahafi Tha

adib tha na main koi baDa sahafi tha

zamana phir bhi mere fan ka e'tirafi tha

mujhe bhi zahr diya kyun na haq-bayani par

ki ye gunah to na-qabil-e-muafi tha

kisi se ek bhi fitrat ka raaz khul na saka

agarche daur zamane ka inkishafi tha

musibaton ne to nahaq uThain taklifen

mujhe miTane ko mera shabab kafi tha

dil-o-nazar na ulajhte to hal nikal aata

hazar masala-e-did iKHtilafi tha

wo meri rae se to muttafiq tha ai 'fazil'

zarif-kar magar us ka inhirafi tha

(545) Peoples Rate This

Your Thoughts and Comments

Adib Tha Na Main Koi BaDa Sahafi Tha In English By Famous Poet Fazil Ansari. Adib Tha Na Main Koi BaDa Sahafi Tha is written by Fazil Ansari. Read famous Poem Adib Tha Na Main Koi BaDa Sahafi Tha for youth and Student by Fazil Ansari. Free Download Adib Tha Na Main Koi BaDa Sahafi Tha in PDF.