Kohsaron Mein Nahin Hai Ki Bayaban Mein Nahin
kohsaron mein nahin hai ki bayaban mein nahin
baghban husn faqat tere gulistan mein nahin
mauj-e-dariya ki rawani ki ghaTaon ka KHiram
kaun si baat teri zulf-e-pareshan mein nahin
tujh se ho tark-e-jafa mujh se wafaen chhuTen
wo tere bas mein nahin ye mere imkan mein nahin
KHair dhundlai si thi raushni-e-sham-e-KHizan
baghban wo bhi to is subh-e-bahaaran mein nahin
chhin le saqi-e-be-faiz ke hathon se subu
rind kya aisa koi mahfil-e-rindan mein nahin
uljhanon ka ho asar kyun na sukun-e-dil par
rabt kya ham-nafaso sahil-o-tufan mein nahin
KHanda-e-gul ho ki ho girya-e-shabnam 'fazil'
dastan gham ki nihan kaun se unwan mein nahin
Fazil Ansari 
(786) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544