Sai-e-ghair-hasil Ko Muddaa Nahin Milta

sai-e-ghair-hasil ko muddaa nahin milta

be-niyaz dil ban kar dekh kiya nahin milta

zindagi-e-rafta ka kuchh pata nahin milta

KHak-e-pa to milti hai naqsh-e-pa nahin milta

us ka aaina hai dil ja-ba-ja nahin milta

dil mein jab ho tariki phir KHuda nahin milta

aamad-e-bahaaran ka ek payam lane se

kyun tera dimagh aaKHir ai saba nahin milta

aaina-ba-aina hum ne dekh Dale dil

ek sa zamane mein dusra nahin milta

jo teri nigahon se be-piye mila saqi

lakh jam pi kar bhi wo maza nahin milta

KHizr-e-rah ne kitne mir-e-karwan luTe

hae wo jo kahte hain rahnuma nahin milta

us ki aur manzil hai meri aur manzil hai

shaiKH se 'figar' apna rasta nahin milta

(745) Peoples Rate This

Your Thoughts and Comments

Sai-e-ghair-hasil Ko Muddaa Nahin Milta In English By Famous Poet Figar Unnavi. Sai-e-ghair-hasil Ko Muddaa Nahin Milta is written by Figar Unnavi. Read famous Poem Sai-e-ghair-hasil Ko Muddaa Nahin Milta for youth and Student by Figar Unnavi. Free Download Sai-e-ghair-hasil Ko Muddaa Nahin Milta in PDF.