Ho Gae Yar Parae Apne

ho gae yar parae apne

jism apne hain na sae apne

pher lin us ne bhi nazren aaKHir

waqt par kaam na aae apne

wo jo badla to zamana badla

rang duniya ne dikhae apne

ajnabi lagti hai apni surat

ho gae naqsh parae apne

kin shumar apni jafaen us ne

jurm sab hum ne ginae apne

har ghaDi swang rachaya hum ne

us ne sau rang dikhae apne

e'tibar aae bhi kaise us ka

baat jo dil ko na bhae apne

kya kahen mahw-e-safar hain kab se

jism ka bojh uThae apne

muntazir bazm-e-suKHan thi 'KHusraw'

shama kab samne aae apne

(578) Peoples Rate This

Your Thoughts and Comments

Ho Gae Yar Parae Apne In English By Famous Poet Firoz Khusro. Ho Gae Yar Parae Apne is written by Firoz Khusro. Read famous Poem Ho Gae Yar Parae Apne for youth and Student by Firoz Khusro. Free Download Ho Gae Yar Parae Apne in PDF.