Subh Tak Hum Raat Ka Zad-e-safar Ho Jaenge

subh tak hum raat ka zad-e-safar ho jaenge

tujh se ham-aghosh ho kar muntashar ho jaenge

dhup sahra tan barhana KHwahishen yaadon ke khet

sham aate hi ghubar-e-rah-guzar ho jaenge

dasht-e-tanhai mein jine ka saliqa sikhiye

ye shikasta baam-o-dar bhi ham-safar ho jaenge

shorish-e-duniya ko aahista-rawi ka hukm ho

nazr-e-KHair-o-shar tere shorida-sar ho jaenge

ye jo hain do-chaar shurafa-e-awadh aKHtar-shanas

kuchh dinon mein ye bhi auraq-e-digar ho jaenge

(735) Peoples Rate This

Your Thoughts and Comments

Subh Tak Hum Raat Ka Zad-e-safar Ho Jaenge In English By Famous Poet Fuzail Jafri. Subh Tak Hum Raat Ka Zad-e-safar Ho Jaenge is written by Fuzail Jafri. Read famous Poem Subh Tak Hum Raat Ka Zad-e-safar Ho Jaenge for youth and Student by Fuzail Jafri. Free Download Subh Tak Hum Raat Ka Zad-e-safar Ho Jaenge in PDF.