Dil Agar Mail-e-itab Na Ho

dil agar mail-e-itab na ho

dard ka dard phir jawab na ho

aisi karwaT bhi koi karwaT hai

jis ke pahlu mein inqalab na ho

kyun chamak uTTha aaj mai-KHana

tere saghar mein aaftab na ho

bahr-e-hasti mein na-KHuda-e-jahan

zindagi surat-e-habab na ho

dil se koshish kare agar insan

ghair-mumkin hai kaamyab na ho

kyun pareshan rahta hai 'ghawwas'

teri taqdir mahw-e-KHwab na ho