Dard Jab Dastaras-e-chaaragaran Se Nikla
dard jab dastaras-e-chaaragaran se nikla
harf-e-inkar mohabbat ki zaban se nikla
zindagani mein sabhi rang the mahrumi ke
tujh ko dekha to main ehsas-e-ziyan se nikla
sab ba-asani mere KHwab ko paDh lete the
phir to main anjuman-e-dil-zadagan se nikla
jazba-e-ishq ne jab eDiyan apni ragDin
KHak uData hua ek dasht wahan se nikla
rozan-e-jism mein ek dard hua tha daKHil
aaKHir aaKHir main wo darwaza-e-jaan se nikla
muddaton tak meri taKHil amin thi us ki
aur ek din wo meri hadd-e-guman se nikla
Ghalib Ayaz 
(854) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544