Jahan KHarab Sahi Hum Badan-darida Sahi
jahan KHarab sahi hum badan-darida sahi
teri talash mein nikle hain pa-burida sahi
jahan-e-sher mein meri kai riyasaten hain
main apne shahr mein gumnam o na-shunida sahi
bhale hi chhanw na de aasra to deta hai
ye aarzu ka shajar hai KHizan-rasida sahi
inhi bujhi hui aankhon mein KHwab utrenge
yaqin na chhoD ye bimar o shab-guzida sahi
dilon ko joDne wali ghazal salamat hai
talluqat hamare bhale kashida sahi
Ghalib Ayaz 
(938) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544