BaiThe Hain Id Ko Sab Yar Baghal Mein Le Kar
baiThe hain id ko sab yar baghal mein le kar
baiThen hum kya dil-e-bimar baghal mein le kar
kushta-e-naz faqat is pe hain nazan ji mein
ki nikalta hai wo talwar baghal mein le kar
roe hum us ki tamanna-e-ham-goshi mein
dil-e-mayus ko na-chaar baghal mein le kar
bad-gumani se hamein baiThte uThte hai ye soch
baiThe honge use aghyar baghal mein le kar
mai-e-ulfat ki tarang aai to aaya dauDa
shisha-e-mai ko wo mai-KHwar baghal mein le kar
ku-ba-ku KHana-nashini ka ho us ki charcha
baiThe jo tujh sa trahdar baghal mein le kar
shab-e-tanhai mein so rahte hain mushtaq tere
ba-tasawwur tujhe har bar baghal mein le kar
sun ke hum mahw-e-chaman us ko 'ghazanfar' aae
dil-e-pur-dagh se gulzar baghal mein le kar
Ghazanfar Ali Ghazanfar 
(769) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544