Koi Do Chaar Nahin Mahw-e-tamasha Sab Hain

koi do chaar nahin mahw-e-tamasha sab hain

mere ehsas ki aawaz mein zinda sab hain

koi jugnu koi tara koi suraj koi chand

aur ajab baat ki mahrum-e-ujala sab hain

us jagah bhi na hui dard ki lazzat mahsus

main samajhta tha jahan mere shanasa sab hain

yusuf-e-waqt pareshan na hote kyunkar

koi ungli na kaTi aur zuleKHa sab hain

arsa-e-hashr ki taswir ajab hai 'amjad'

be-karan bhiD hai aur bhiD mein tanha sab hain

(703) Peoples Rate This

Your Thoughts and Comments

Koi Do Chaar Nahin Mahw-e-tamasha Sab Hain In English By Famous Poet Ghufran Amjad. Koi Do Chaar Nahin Mahw-e-tamasha Sab Hain is written by Ghufran Amjad. Read famous Poem Koi Do Chaar Nahin Mahw-e-tamasha Sab Hain for youth and Student by Ghufran Amjad. Free Download Koi Do Chaar Nahin Mahw-e-tamasha Sab Hain in PDF.