Samita-paTil

dil ke mandar mein KHushbu hai loban ki, ghanTiyan baj uThin, dew-dasi thi wo

kitne sarkash andheron mein jalti rahi dekhne mein to mashal zara si thi wo

nur o naghma ki rim-jhim phuwaron tale muskuraati hui ek udasi thi wo

paniyon ki farawaniyon mein rawan us ki hairaniyan kitni pyasi thi wo

husn-e-insan se fitrat ki sargoshiyan ghul gain tere lahje ki jhankar mein

fan ki takmil sachcha sarapa tira, be-zabani ko laya jo izhaar mein

muddaton tak numaish ki KHwahish rahi zindagi tab Dhali tere kirdar mein

jo thi zinda mohabbat ki buniyaad par waqt ne chun diya us ko diwar mein

dhup har rup mein, ret har khet mein, fasl jazbaat par KHushk-sali rahe

do ghaDi dil kisi ke KHayalon mein gum aur phir umr bhar be-KHayali rahe

aaina ab tarasta rahe aks ko aur nazar raushni ki sawali rahe

mere hisse ka ye aankh bhar aasman jagmagate sitare se KHali rahe

(712) Peoples Rate This

Your Thoughts and Comments

Samita-paTil In English By Famous Poet Ghulam Mohammad Qasir. Samita-paTil is written by Ghulam Mohammad Qasir. Read famous Poem Samita-paTil for youth and Student by Ghulam Mohammad Qasir. Free Download Samita-paTil in PDF.