Kitni Dhal Gai Umr Tumhaari Hairat Hai
kitni Dhal gai umr tumhaari hairat hai
ab tak kaise rahi kunwari hairat hai
ghar mein aaTa dal na daliya phir bhi shaiKH
bahar khaen nan-nahaari hairat hai
apna rose ka milna aaKHir kaam aaya
ammi ban gain sas tumhaari hairat hai
hum to tere tir-e-nazar se mar jate
lekin tere hath mein aari hairat hai
tere ruKHsaron se duniya raushan thi
kaise ho gai zulmat tari hairat hai
bangla gaDi sath mein naukar-chaakar bhi
lekin babu hai sarkari hairat hai
tum ko ek din subh-sawere dekha tha
kaisi thi wo shakl tumhaari hairat hai
Ghulam Mohammad Vamiq 
(676) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544