Ki Dar Guftan Nami Aayad

meri jaan go tujhe dil se bhulaya ja nahin sakta

magar ye baat main apni zaban par la nahin sakta

tujhe apna banana mojib-e-rahat samajh kar bhi

tujhe apna bana lun ye tasawwur la nahin sakta

hua hai bar-ha ehsas mujh ko is haqiqat ka

tere nazdik rah kar bhi main tujh ko pa nahin sakta

mere dast-e-hawas ki dastaras hai jism tak tere

samajhta hun ki tere dil pe qabza pa nahin sakta

tere dil ki tamanna bhi karun to kis bharose par

main KHud dargah mein teri ye tohfa la nahin sakta

meri majburiyon ko bhi bahut kuchh daKHl hai is mein

tujhi ko morid-e-ilzam main Thahra nahin sakta

main tujh se baDh ke apni aabru ko pyar karta hun

main apne izzat-o-namus ko Thukra nahin sakta

tere mahaul ki pasti ka tana dun tujhe kyun kar

main KHud mahaul se apne rihai pa nahin sakta

(736) Peoples Rate This

Your Thoughts and Comments

Ki Dar Guftan Nami Aayad In English By Famous Poet Gopal Mittal. Ki Dar Guftan Nami Aayad is written by Gopal Mittal. Read famous Poem Ki Dar Guftan Nami Aayad for youth and Student by Gopal Mittal. Free Download Ki Dar Guftan Nami Aayad in PDF.