Dard

sarsarahaT hai

na aahaT hai

na halchal

na chubhan

dard chup-chap

kisi dhimi nadi ki surat

sans leti hui

ganThon mein

utar aaya hai

kitne barson ki

riyazat se

hunar-mandi se

aaise bikhre hue

reshon ko sameTa hai magar

aur har bar

har ek bar

bahut jatanon se

jism ko jaan se

joDa hai magar

be-sabab sans ki kaTti Dori

kab se thame hue

baiThe hain magar

aaj nahin

ya kahin dard thame

aur sakun mil jae

ya koi ganTh khule

aur qarar aa jae