Teri Talab Ne Falak Pe Sab Ke Safar Ka Anjam Likh Diya Hai

teri talab ne falak pe sab ke safar ka anjam likh diya hai

kisi ko najm-e-sahar kisi ko sitara-e-sham likh diya hai

zaban pe harf-e-malal kyun ho ki hum hain raazi teri raza par

tera karam tu ne aab-o-dana agar tah-e-dam likh diya hai

bacha ke apne liye na rakkha koi gareban ka tar hum ne

junun se jo kuchh bhi hum ne paya wo sab tere nam likh diya hai

nigah bazar par nahin thi wagarna kyun chaara-saz-e-gham ne

mariz ke nusKHa-e-shifa mein KHulus ka jam likh diya hai

ye kis ke KHame ka hai nawishta ki bul-hawas aish kar rahe hain

nasib-e-ahl-e-nazar mein kis ne hujum-e-alam likh diya hai

jahan-e-harf-o-sada mein charcha na kyun ho 'gulzar' KHas tera

tere liye teri KHush-nawai ne shohra-e-am likh diya hai

(715) Peoples Rate This

Your Thoughts and Comments

Teri Talab Ne Falak Pe Sab Ke Safar Ka Anjam Likh Diya Hai In English By Famous Poet Gulzar Bukhari. Teri Talab Ne Falak Pe Sab Ke Safar Ka Anjam Likh Diya Hai is written by Gulzar Bukhari. Read famous Poem Teri Talab Ne Falak Pe Sab Ke Safar Ka Anjam Likh Diya Hai for youth and Student by Gulzar Bukhari. Free Download Teri Talab Ne Falak Pe Sab Ke Safar Ka Anjam Likh Diya Hai in PDF.