Kaun Si Manzil Hai Jo Be-KHwab Aankhon Mein Nahin
kaun si manzil hai jo be-KHwab aankhon mein nahin
ek suraj DhunDhta hun jo ki sapnon mein nahin
dekhta rahta hun miTte shahr ke naqsh-o-nigar
aankh mein wo suraten bhi hain ki galiyon mein nahin
mausamon ka ruKH udhar ko hai hawaon ka idhar
jangalon mein baat koi hai ki shahron mein nahin
pili pili titliyan hain aur mahrumi ka raqs
kaun sa wo zaiqa hoga ki phulon mein nahin
yun to har jaanib khaDe hain ye qatar-andar-qatar
ek ThanDak hai ki in peDon ke sayon mein nahin
chand taron ki ziyaen kahkashaon ke hujum
kaun sa wo aasman hai jo zaminon mein nahin
Gulzar Vafa Chaudari 
(794) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544