KHushbu Jaise Log Mile Afsane Mein
KHushbu jaise log mile afsane mein
ek purana KHat khola anjaane mein
sham ke sae baalishton se nape hain
chand ne kitni der laga di aane mein
raat guzarte shayad thoDa waqt lage
dhup unDelo thoDi si paimane mein
jaane kis ka zikr hai is afsane mein
dard maze leta hai jo dohrane mein
dil par dastak dene kaun aa nikla hai
kis ki aahaT sunta hun virane mein
hum is moD se uTh kar agle moD chale
un ko shayad umr lagegi aane mein
Gulzar 
(2469) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544