Champai Dhup
KHalaon mein tairte jaziron pe champai dhup
dekh kaise baras rahi hai!
mahin kohra simaT raha hai
hatheliyon mein abhi talak
tere narm chehre ka lams aise chhalak raha hai
ki jaise subh ko ok mein bhar liya ho main ne
bas ek maddham si raushni
mere hathon pairon mein bah rahi hai
tere labon pe zaban rakh kar
main nur ka wo hasin qatra bhi pi gaya hun
jo teri ujli dhuli hui ruh se phisal kar tere labon par
Thahar gaya tha
Gulzar 
(2065) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544