BichhaDo To Ye Dhyan Rakhna
bichhaDo to ye dhyan rakhna
milne ka imkan rakhna
baat asar gahra karti hai
lafzon mein kuchh jaan rakhna
milne jab jaana ho us se
rasta sunsan rakhna
achchha hai munh band rahe to
jism ko lekin kan rakhna
wo jab hairan karne aae
us ko bhi hairan rakhna
aur kisi par ho na ho par
KHud par to iman rakhna
samne ho jab farishte
KHud ko tum insan rakhna
hum donon ke afsane ka
achchha sa unwan rakhna
waqt-e-zarurat kaam aae jo
aisa bhi saman rakhna
(804) Peoples Rate This