Aag Hai Phaili Hui Kali GhaTaon Ki Jagah
aag hai phaili hui kali ghaTaon ki jagah
bad-duaen hain labon par ab duaon ki jagah
intiKHab-e-ahl-e-gulshan par bahut rota hai dil
dekh kar zagh-o-zaghan ko KHushnawaon ki jagah
kuchh bhi hota par na hote para-para jism-o-jaan
rahzan hote agar un rahnumaon ki jagah
luT gai is daur mein ahl-e-qalam ki aabru
bik rahe hain ab sahafi be-sawaon ki jagah
kuchh to aata hum ko bhi jaan se guzarne ka maza
ghair hote kash 'jalib' aashnaon ki jagah
Habib Jalib 
(2423) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544