Dushmanon Ne Jo Dushmani Ki Hai
dushmanon ne jo dushmani ki hai
doston ne bhi kya kami ki hai
KHamushi par hain log zer-e-itab
aur hum ne to baat bhi ki hai
mutmain hai zamir to apna
baat sari zamir hi ki hai
apni to dastan hai bas itni
gham uThae hain shaeri ki hai
ab nazar mein nahin hai ek hi phul
fikr hum ko kali kali ki hai
pa sakenge na umr bhar jis ko
justuju aaj bhi usi ki hai
jab mah-o-mahr bujh gae 'jalib'
hum ne ashkon se raushni ki hai
Habib Jalib 
(2008) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544