JhuTi KHabren GhaDne Wale JhuTe Sher Sunane Wale
jhuTi KHabren ghaDne wale jhuTe sher sunane wale
logo sabr ki apne kiye ki jald saza hain pane wale
dard aankhon se bahta hai aur chehra sab kuchh kahta hai
ye mat likkho wo mat likkho aae baDe samjhane wale
KHud kaTenge apni mushkil KHud paenge apni manzil
rahzanon se bhi bad-tar hain rah-numa kahlane wale
un se pyar kiya hai hum ne un ki rah mein hum baiThe hain
na-mumkin hai jin ka milna aur nahin jo aane wale
un par bhi hansti thi duniya aawazen kasti thi duniya
'jalib' apni hi surat the ishq mein jaan se jaane wale
Habib Jalib 
(2011) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544