Sher Se Shairi Se Darte Hain
sher se shairi se Darte hain
kam-nazar raushni se Darte hain
log Darte hain dushmani se teri
hum teri dosti se Darte hain
dahr mein aah-e-be-kasan ke siwa
aur hum kab kisi se Darte hain
hum ko ghairon se Dar nahin lagta
apne ahbab hi se Darte hain
dawar-e-hashr baKHsh de shayad
han magar maulwi se Darte hain
ruThta hai to ruTh jae jahan
un ki hum be-ruKHi se Darte hain
har qadam par hai mohtasib 'jalib'
ab to hum chandni se Darte hain
Habib Jalib 
(2455) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544